د . إAEDSRر . س

وش هم المواقع الـ 12 لموسم الرياض ؟

3
Article Featured Image

بعد التفاعل الكبير اللي صار بإعلان موسم الرياض اللي نزل أمس على تويتر

واللي كان فيه رئيس الهيئة العامة للترفيه تركي آل الشيخ يتكلم بنبذة عن الموسم لمدة 50 ثانية

وإللي وصل لحد الحين خمسة مليون ونص مشاهدة في 12 ساعة بس !

خلونا نستعرض المواقع الـ  12 الرئيسية والفرعية اللي راح تكون فيها فعاليات وأجندة الموسم

1- ملاعب الرياض

استاد الملك فهد و استاد جامعة الملك سعود و استاد الأمير فيصل بن فهد بالملز

ومن المتوقع استضافة الأحداث الرياضية والحفلات الغنائية العالمية مثل حفل الفرقة الكورية بي تي اس يوم 11 اكتوبر

وعرض “دبليو دبليو إي” في 31 أكتوبر

2- واجهة الرياض

وهو المشروع اللي على طريق المطار يضم مطاعم ومقاهي ومساحات شاسعة للمشي
راح يتم افتتاحه هذا الشهر تزامناً مع الموسم

3- وادي نمار

 

من الأماكن اللي صارت فيها فعاليات من قبل مثل فعالية أرض أوهارا

مكان جميل جداً وراح نشهد فعاليات مشابهة لها في الموسم

4- الحي الدبلوماسي ( حي السفارات )

 

أحد أهم المواقع اللي راح تستضيف أحداث وفعاليات تناسب الجميع

واللي موجود فيه كم فندق وأيضا عود سكوير الممشى والمكان المشهور بالمقاهي

5- رياض وونتر لاند

 

الشبيهة بونتر لاند في لندن وفيها عدد من المحلات والأكشاك

والمطاعم والمقاهي والملاهي اللي تناسب الجميع

لازال العمل عليها على قدم وساق وموقعها في طريق الملك فهد

 

6- المربع

 

أحد الأحياء المهمة في الرياض لان فيه كثير من المواقع التاريخية والثقافية

مثل المتحف الوطني السعودي وقصر المربع وعدد من الحدائق العامة

فعاليات موقع المربع ستكون مناسبة جداً للعائلات

7- الملز

 

أيضاً من المواقع المناسبة للعائلات

لما يحتويه الموقع من منتزه الملك عبدالله وحديقة الحيوانات

 

8- الرياض بوليفارد

 

واحد من أهم الأماكن المفتوحة “البلازا” بالرياض

!صار موقع رسمي ضمن الموسم

 

 

 

9- نبض الرياض

 

موقع رئيسي يشمل أهم المعالم الموجودة في وسط العاصمة

مثل مراكز المملكة والفيصلية ومركز الملك عبدالله المالي وشارع التحلية

ومركز الملك فهد الثقافي والصالات الخضراء اللي راح تستضيف الحفلات

 

10- معرض الرياض للسيارات

 

معرض ضخم بيكون متواجد طول الموسم لعشاق الدرفتنق والسيارات بشكل عام

راح يكون فيه عروض وسينما والكثيييييير

 

11- صحارى

12 – رياض سفاري

 

مافيه أي معلومات واضحة عنهم .. بس الأكيد انها مواقع لعشاق وهواة المغامرات !! 😍

 

طيب أنتم .. إيش أكثر شي متحمسين له ؟

قد تحب أيضا

عرض الكل

Thank you for subscribing!

Your email has been added to our list.

lovinsaudia.com says

هل توافق على مشاركة موقعك معنا؟